انحصار

یہ کس نے کہہ دیا سب کچھ ہوا پر منحصر ہے ہمارا بجھ کے جل اُٹھنا دعا پر منحصر ہے

ہم اندازِ جنوں اپنا ابھی کیسے بتادیں ہماری سرکشی طرزِ جفا پر منحصر ہے

ہماری بات کو کچھ لوگ مانیں یا نہ مانیں جمالِ یار تو حُسنِ حیا پر منحصر ہے

ہمار ا ز ندگی بھر صرف تیرا ہوکے رہنا نہیں مشکل مگر تیری وفا پر منحصر ہے

مری جانب سے امکانِ تقرّب یا تردّد سبھی کچھ آپ کے اذن و ادا پر منحصرہے

تصوّر ایک پیکر تو بنا لاتا ہے لیکن وصالِ خوشبوئے جاناں صبا پر منحصر ہے

مرض سے کیا علاقہ کُوچ کرجانے کا اشعؔر یہ قصّہ تو محض امرِ قضا پر منحصر ہے

* * *