بدلہِ کی بھاؤنا

بدلہِ کی بھاؤنا

کیا یہ ممکن ہے کہ ہر ظلم کو ہنس کے سہہ لوں

کیا یہ ممکن ہے کہ بدلہِ کی تمنّا ہی نہ ہو

کیا یہ ممکن ہے کہ ظالم سے کہوں

لیجیے دوسرا رخسار بھی حاضر ہےمرا

ہاں یہ ممکن ہی نہیں بلکہ بہت خوش کن ہے

سننے والا توفرشتوں سے ملائے گا مجھے

پڑھنے والا مجھے عظمت کا نشاں سمجھے گا

دیکھنے والا بھی بھگوان کہے گا مجھ کو

پر یہاں شرط ہے اک چھوٹی سی میری بھی حضور

بات ہو کہنے کی یہ کہنے کی حد تک محدود

اور اگر بات عمل کی ہے تو سنیے سرکار

میں فرشتہ ہوں نہ بھگوان بس اک انساں ہوں

اور انسان ہے در اصل ازل سے کمزور

ایسی منزل پہ تو بھگوان کے اوتاربھی گر جاتے ہیں

بھاؤنا بدلہِ کی لیکر جو نکل پڑتے ہیں

کچھ تو مرجاتے ہیں اس آگ میں خود ہی جل کر

اور کچھ لوگ جو پالیتے ہیں منزل اپنی

لوگ ان لوگوں کو سولی پہ چڑھادیتے ہیں