| کمالِ سحر کا جلوہ دکھا گیا اک شخص مرے وجود کو پتّھر بنا گیا اک شخص |
|
|
| بکھیر کر مرے شانوں پہ اپنی زلفِ سیاہ تمام دھوپ کو بادل اُڑھا گیا اک شخص |
|
|
| خلوص و بندگی ایثار و انتظار و یقیں رمُوز عشق و وفا سب سکھا گیا اک شخص |
|
|
| وہ ساحرانہ نگاہیں عجیب تھیں یارو ہمیں جہاں کا تماشہ بنا گیا اک شخص |
|
|
| ذرا سا چھو کے ہی گزرا تھا بس مجھے لیکن نفس نفس مرا صندل بنا گیا اک شخص |
|
|
| نہیں گوارا ہے احساں کوئی تو پھر اشعؔر جیو کہ مرنا بھی تم کو سکھا گیا اک شخص |
|
|
No comments:
Post a Comment