جلنے لگا تو یوں جلا ایک دیا بجھا ہوا

جلنے لگا تو یوں جلا ایک دیا بجھا ہوا خِیرَہ نظر کو کرگیا ایک دیا بجھا ہوا

جس کی کوئی بھی اک کرن اتری نہ دل میں آنکھ سے جل کے بھی وہ دیا رہا ایک دیا بجھا ہوا

شمس و قمر نے راستہ بدل لیا تو کیا ہوا قدرت نے راہبر کیا ایک دیا بجھا ہوا

اپنی عبادتوں کا حال پوچھا جو اپنے آپ سے دل سے نظر میں آگیا ایک دیا بجھا ہوا

ظلمت کدہ ہے جس کا دل ہو لاکھ صاحب نظر اس کے لیے ہر آئینہ ایک دیا بجھا ہوا

ممنونِ ماہتاب ہوں جس نے بجھا ہوا کہا پہچان تو لیا گیا ایک دیا بجھا ہوا

بزمِ سُخن کی بات ہے اہلِ سخن کے درمیاں اشعؔرِ کم ضیا لگا ایک دیا بجھا ہوا