| سُکونِ جاں کے لیے التزام کیا کرتا سفر تھی شرطِ محبّت، قیام کیا کرتا |
|
|
| بہت ہے میرے لیے نذرِ تلخیء ایّام کسی نظر کا میں شیریں پیام کیا کرتا |
|
|
| وہ چند پھول عیادت کو بھیج دیتا ہے اب اور زادِ سفر میرے نام کیا کرتا |
|
|
| نہ بھولتا مرا چہرہ وہ کتنے دن آخر بس اک نظر کا تصادُم دوام کیا کرتا |
|
|
| دل و نگاہ نے اک گھر کی آرزو کی تھی قفس نما در و دیوار و بام کیا کرتا |
|
|
| چمن میں کوئی چراغاں نہ صبح کے آثار میں داستانِ شبِ غم تمام کیا کرتا |
|
|
| گلوں کے فرش پہ رکھ دی ہیں منتظر آنکھیں غریب اور کوئی اہتمام کیا کرتا |
|
|
| اُمّید و بِیم کی پُر پیچ داستاں اشعؔر ہے سِرِّ ذات اسے خاص و عام کیا کرتا |
|
|
No comments:
Post a Comment