میں حیرتوں کے سمندر میں غرق رہتا ہوں

میں حیرتوں کے سمندر میں غرق رہتا ہوں کہ تم سے دور ہوں تنہا ہوں اور زندہ ہوں

نہ دیکھو میری گزشتہ محبّتوں کی کتاب اک اعتبار سے میں اک ورقِ سادہ ہوں

نہ دینا مجھ کو ابھی ساحلِ نشاط کوئی ابھی کہاں میں کسی بحرِ غم سے ہارا ہوں

تو میرے نامہِ و تصویر پر بضد کیوں ہے میں تیرے جسم کے ہر زاویہ  ِپر کندہ ہوں

ملا جو ساقی تو کہدوں گا توڑ دے ساغر میں تیری چشمِ غزالی کی مئے کا پیاسا ہوں

وہ روز فون پہ کہتی ہیں جان کیسے ہو اک آہِ سرد یہ کہتی ہے روز اچھا ہوں

نیا نظام جہاں ہے عدوئے دین مگر وہ میرے تخت کا حافظ میں اُس کا بندہ ہوں

میں تتلیوں کے تعاقُب میں کب رہا اشعؔر مجھے تو عشق ہے پھولوں سے میں تو بَھونْرا ہوں