| چمن میں کیسے تری داستاں بیاں کرلوں ہر ایک پھول کو کیا اپنا رازداں کرلوں |
|
|
| مجھے جہاں بھی ملے تیرا نقشِ پا جاناں میں اُس زمین کے ٹکڑے کو آسماں کرلوں |
|
|
| سمجھتے بوُجھتے تخلیق کا سبب اپنی نہ سر جھکاؤں تو کیا خود کو رائیگاں کرلوں |
|
|
| عجب حیات سے بھرپور لمس تھا جس کا صبا کہوں میں اسے یا ترا گماں کرلوں |
|
|
| وہ چند لمحے سفر میں جو ساتھ گزرے تھے کہو تو میں انہی لمحوں کو حرزِ جاں کرلوں |
|
|
| اگرچہ آپ کے دل میں سکوں کے ڈیرے ہیں کہیں تو اپنے دکھوں کا بھی اک مکاں کرلوں |
|
|
| اسے یقینِ وفا ہی نہیں تو کیا اشعؔر میں زندگی کا سفر زیبِ داستاں کرلوں |
|
|
No comments:
Post a Comment