اُس اک نظر سے مرے دل میں روشنی کردو

اُس اک نظر سے مرے دل میں روشنی کردو جو زندگی پہ اُٹھاؤ تو زندگی کردو

تمام رات گزاری ہے میں نے جلتے ہوئے قریب آؤ مری صبح شبنمی کردو

تمہارے ہاتھ میں ہے آشنائیوں کی لکیر جو کرسکو تو مجھے خود سے اجنبی کردو

کبھی تو جاگتی آنکھیں اُٹھا کے بات کرو اداس رات کے خوابوں میں چاندنی کردو

بس ایک شرط ہے ہم بھول جائیں گے تم کو ہمارے دل کا ہر اک چاک پہلے سی کردو

جو حق پرست ہو اشعؔر تو پھر تذبذب کیا اندھیری رات ہے سورج کی تم نفی کردو