خالی پیٹ

خالی پیٹ

میں ایک دفتر کی سیڑھیوں سے اُتر رہا تھا وہ چڑھ رہی تھی

میں ہوکے مایوس آرہا تھا وہ لے کے اُمّید جارہی تھی

اگرچہ دیکھا تھا ایک دوجے نے ایک دوجے کو ہنس کے لیکن

نہ میں نے اس سے کہا نہ جاؤ

نہ اس نے سوچا میرا پلٹنا

میں کیسے کہتا نہ جاؤ اوپر

ہر ایک در پہ لکھا ہوا ہے 'کوئی خالی جگہ نہیں ہے' ۔

میں منتظر تھا کہ دو منٹ میں

وہ مڑ کے واپس ہے آنے والی

مگر وہ کچھ دیر سے جو لوٹی

تو اشک آنکھوں سے بہہ رہے تھے

پہ چہرہ جیسے چمک رہا تھا

مجھے جو دیکھا تو ہاتھ پکڑا ۔۔۔۔۔ یہ کہہ کے آؤ مجھے پتا ہے

تمہاری آنکھوں کا سب تجسّس ۔ سوال بھی میں نے پڑھ لیے ہیں

وہاں جگہ تھی نہ کوئی خالی

مگر خریدار تو سبھی تھے

میں بھوک سے بلبلا رہی ہوں

اب آؤ تھوڑا سا پیٹ بھر لیں